'SCOOTURISTA FEST' inilunsad sa SBMA

Olongapo City - Nakatakdang ilunsad ang kauna-unahang "Scooturista Fest" sa Olongapo City maging sa Subic Bay Freeport Zone sa Oktobre 27-28,2006. Inorganisa ni Olongapo City Vice Mayor Rolen Paulino ang nasabing proyekto ng Subic Bay Metropolitan Authority (SBMA) na lalahukan ng daan-daang nagmamay-ari ng scooter sa buong bansa.

Layunin ng programa na maipalapit at maipamalas sa mga scooturista ang kagandahan ng Olongapo at maging ng Subic Bay Freeport Zone partikular ang mga beaches at tourists destinations sa naturang lugar. Ayon kay Paulino, magkakaroon din ng live concerts para sa mga scooturista, gayun din ang driving seminars at drag racing na may kaakibat na malaking premyo at murang bilihin.

Sinabi naman ni SBMA Administration Armand C. Arreza, isa sa mga proyekto ang nasabing programa para maakit, hindi lamang ang mga foreign tourists, kundi maging ng mga lokal turista na hindi pa nakakarating sa Subic Bay Freeport Zone. (Jeff Tombado)