‘GOOD GOVERNANCE’ SA LUNGSOD DINADAYO

Naging sentro ng usapan ang ‘good governance’ ng Olongapo City sa magkasunod na lakbay-aral sa lungsod ng Municipal Officials mula sa San Mateo, Isabela at Liga ng Barangay mula sa Banga, Aklan.

Ang Municipal Officials ng San Mateo, Isabela sa pangunguna ni Mayor Roberto Agcaoili ay nagtungo sa lungsod noong ika-22 ng Hunyo 2007.

Naq-courtesy call kay City Administrator Ferdie Magrata ang apatnapung (40) katao ng naturang delegasyon.

Samantala, nitong Martes ay nagtungo din sa lungsod ng Olongapo ang Liga ng Barangay mula sa Banga, Aklan.

Ang nasabing delegasyon ay binubuo ng limampu’t isang (51) katao sa pangunguna ng kanilang ABC President Ramon Zante.

Sinalubong ang nasabing delegasyon nina City Administrator Ferdie Magrata at Olongapo City ABC President Carlito Baloy sa pakikipag-ugnayan ng City Tourism Office.

Ang talakayan ng kaugnay ‘good governance’ ay bilang paghahanda na rin marahil sa papalapit na pagbubukas ng fiscal year ngayong Hulyo.

Pao/jms