‘Gapo Rescue Team sa ARDEX-07

Makikipagsabayan ang Olongapo Rescue Team sa galing ng mga kalahok mula sa iba’t ibang bansa sa Asya sa 3rd ASEAN Regional Disaster Simulation Exercise (ARDEX-07) nitong ika-20 hanggang 24 ng Oktubre 2007.

Matapos maiuwi ang first place title sa nakaraang First Aid Olympics na ginanap sa Tarlac City kamakailan, tumulak naman ang Olongapo City Rescue Team sa Singapore upang maging kinatawan ng Pilipinas sa isang Disaster Simulation Exercise.

Buo ang suporta ni Mayor Bong Gordon para sa team. Aniya, ang pakikilahok nito sa ARDEX-07 ay magiging kapaki-pakinabang upang higit na maiangat ang kaalaman at husay ng team pag dating sa mga emergency situations.

Ang ARDEX ‘07 ay bahagi ng ASEAN Agreement on Disaster Management and Emergency Response na sumesentro sa disaster rescue and relief operations na isinasagawa ng mga ASEAN member countries.

Si Mayor Bong Gordon at Olongapo First Lady at Zambales Vice Governor Anne Gordon (gitna) kasama ang Olongapo Rescue Team mula sa Disaster Management Office (DMO) na lalahok sa 3rd ASEAN Regional Disaster Simulation Exercise (ARDEX-o7) sa Singapore nitong ika-20 hanggang 24 ng Oktubre 2007.